Posts

Featured post

உலக சினிமா- சார்லி சாப்ளின் லைம் லைட்

Image
குமுதம் தீராநதி ஜூலை 2016 இதழில் வெளியான எனது உலக சினிமா கட்டுரை
உலகசினிமா
LIMELIGHT- காலவெளியில்சிறகடிக்கும்கலைஞன்
இயக்குனர்-சார்லிசாப்ளின்
-செந்தூரம்ஜெகதீஷ்
ஊமைப்படங்களின்நாயகன்சார்லிசாப்ளின். சொற்களால்உணர்வுகளைஆழமாகப்பிரதிபலிக்கமுடியாதுஎனபலகாலம்நம்பிக்கொண்டிருந்தவர்அவர். சொல்அலங்காரமானது, பொய்யானது, அடுத்தகணமேமாற்றிப்பேசக்கூடியது. ஆரவாரமானது. அதன்ஓசைகளும்உச்சரிப்புகளும்ஒருமனிதனுடையதரம்தாழ்த்தவோஉயர்த்தவோகூடியது. சொற்களால்அரசியல்வளர்ந்தது. சொற்களால்கலைதேய்ந்தது. சொற்களால்ஆன்மீகஅனுபங்கள்பொய்த்தன. சொற்களால்

புத்தக திருவிழா 2019

சென்னை புத்தக காட்சிக்கு தொடர்ந்து நான்கைந்து தினங்களாகப் போனேன். பல நண்பர்களை சந்திக்க முடிந்தது முதல் மகிழ்ச்சியைத் தந்தது. எஸ்.ராமகிருஷ்ணன், சாரு நிவேதிதா, மனுஷ்யப்புத்திரன், சூத்ரதாரி, கால சுப்பிரமணியம், நிழல் திருநாவுக்கரசு, அழகியசிங்கர், பா.ராகவன், வசந்தகுமார், ரவிசுப்பிரமணியன், அமுதபாரதி , காலச்சுவடு கண்ணன் உள்பட பலருடன் சில மணி்த்துளிகள் உரையாடி எனது இருப்பையும் அவர்களின் உறவையும் புதுப்பித்துக் கொண்டேன்.
பா.ராகவனின் யதி நாவல் பிரமிக்க வைத்தது. வாங்கினேன். படிக்கவும் தொடங்கி விட்டேன். கீரனூர் ஜாகிர்ராஜாவின் நான்கு புத்தகங்கள், பெண் எழுத்தாளர்களின் சிறுகதை நூல்கள், கவிதை நூல்கள், தோப்பில் முகமது மீரானின் சிறுகதை முழுத் தொகுப்பு ,அழகிய சிங்கர் கவிதைகள் என வாங்கிய புத்தகங்கள் இம்முறை அதிகம். சாருவின் பழுப்பு நிற பக்கங்கள் பகுதி 2, 3 மற்றும் மெதுசாவின் மதுக்கோப்பை ஆகியவை வாங்கினேன். கையெழுத்திட்டு தந்தார். ஜீரோ டிகிரி பதிப்பாளர்கள் காயத்ரியையும் ராம்ஜியையும் அறிமுகம் செய்து வைத்தார். அபூர்வமான நபர்கள் என்று முதல் சந்திப்பிலேயே தோன்றியது.
எஸ்.ராமகிருஷ்ணனின் துயில் மற்றும் சில புத்…

அஞ்சலி பிரபஞ்சன்

Image
பிரபஞ்சன் விடை பெற்றார்
அன்பு நண்பரும் தமிழின் ஆகச்சிறந்த எழுத்தாளர்களில் ஒருவருமான பிரபஞ்சன் காலமான சேதியை சில மாதங்களாக அச்சத்துடன் எதிர்பார்த்துக் கொண்டுதான் இருந்தேன்.ஆனால் அந்தக் கணம் வந்ததும் மனம் கனத்தது. 
சில மாதங்களுக்கு முன்பு இதய அறுவை  சிகிச்சை செய்து உயிர் மீண்டு வந்த பிரபஞ்சனை திருவல்லிக்கேணியில் உள்ள ஒரு மேன்சனில் சந்தித்து நலம் விசாரித்த போது கூறினேன் உங்களுக்கு இப்ப வாழ்க்கை போனஸ் கொடுத்திருக்கு சார் என்று . மிகுந்த யோசனையுடன் ஆமோதித்த அவர் ஆம் மீண்டும் மரணம் என்னைத் தொடுவதற்கு முன்பு பல காரியங்களை முடிக்க வேண்டும் என்று கூறினார்.
எத்தனையோ காரியங்களை முடிக்காமல்தான் அவர் விடைபெற்றுவிட்டார் என்று தோன்றுகிறது. நிறைய எழுதவும் அவர் திட்டமிட்டிருந்தார். எழுதியதே நிறைவாக இருப்பினும்.


புதுச்சேரியில் உடல் நலம் பாதிக்கப்பட்ட பிரபஞ்சனை காண நானும் சில நண்பர்களும் திட்டமிட்டோம். அன்று காலை புதுச்சேரி ரயில் ரத்தாகி விட்டது. திரும்பிவிட்டோம். மீண்டும் போக முயற்சித்த நேரத்தில் அவர் விடை பெற்று விட்டார்.
பிரபஞ்சனை 80 களின் இறுதியில் ஜானி ஜான் கான் வீதியில் உள்ள ஒரு மேன்ஷனில் முதல் முறையாக…

மெரீனா

Image
ஆசியாவின் மிகப்பெரிய கடற்கரைகளில் இரண்டாவது இடம் என்று புகழ் பெற்றது நம்ம சென்னையின் மெரீனா கடற்கரை.  அண்மையில் புனேயில் இருந்து வந்த சில உறவினர்களுடன் ஞாயிற்றுக்கிழமை காலையில் மெரீனாவுக்கு நடைப்பயிற்சி மேற்கொள்ள போன போது ஏற்பட்ட அனுபவம் உகந்ததாக இல்லை. எங்கு நோக்கினும் மணல் முழுவதும் பிளாஸ்டிக் பைகள், குப்பைகள், எஞ்சிய உணவுகள், பாட்டில்கள், மலம்  சிறுவயதில் மண்ணில் தேடித் தேடி கிளிஞ்சல்களைப் பொறுக்கிய நினைவு வந்தது. இனி கிளிஞ்சல்கள் கூட இருக்காது.
மும்பையின் ஜூஹூ கடற்கரையும் இதுபோலத்தான் இருந்து, ஆனால் தொடர் முயற்சியின் காரணமாக இப்போது சுத்தமாக காட்சியளிக்கிறது என்றார் உறவினர். உணவகங்கள், கடைகளுக்கு தனி இடம் ஒதுக்கப்பட்டு கடற்கரையின் சுத்தம் பேணப்படுகிறது. அமிதாப் பச்சன் போன்ற பிரபலங்களை அழைத்து கடற்கரையை சுத்தம் செய்ய மும்பை மாநகராட்சி நிர்வாகம் பிரச்சாரம் செய்கிறது. மாணவர்களையும் சமூக நல ஆர்வலர்களையும் இயற்கை காவலர்களையும் அழைத்து குப்பைகளை அள்ளுகிறது. இந்த முறையை ஏன் சென்னை மாநகராட்சி பின்பற்றவில்லை என்று தெரியவில்லை. மிகப்பெரிய திறந்தவெளி குப்பைத்தொட்டியாக காட்சியளித்த மெரீனாவை …

சந்திப்பு -கி.அ.சச்சிதானந்தம்

Image
சந்திப்பு -
கி.அ.சச்சிதானந்தம் 

ராயப்பேட்டையில் உள்ள ஒரு தெருவில் நான் இருசக்கர வாகனத்தில் சென்றுக் கொண்டிருந்த போது எதிரே தள்ளாடிய நடையுடன் ஒரு பெரியவர் ஜோல்னா பையுடன் வருவதைக் கண்டேன். பார்த்ததும் அடையாளம் தெரிந்தது. அவர்தான் கி.அ.சச்சிதானந்தம். பார்ப்பதற்கு எளிமையாக காட்சியளிக்கும் இலக்கியவாதி அவர். மௌனியின் கதைகளை முதன் முதலாக அவர் தான் பதிப்பித்தவர். மௌனி, கநாசு போன்ற ஜாம்பவான்களுடன் நேராக பழகும் வாய்ப்பை பெற்றவர்.
மௌனி
எந்த ஒரு பெரிய மேதையும் இப்படித்தான் எளிமையாகக் காட்சியளிக்கிறார்கள். இவர்களின் எளிமையைக் கண்டு நாம் இவர்களை சாதாரண மனிதர்களாக எண்ணி ஏமாந்துவிடுகிறோம். ஆனால் இவர்கள் அசாதாரணமானவர்கள், அவர்கள் தாம் தமிழையும் இலக்கியத்தையும் வாழ வைத்துக் கொண்டிருப்பவர்கள். சச்சிதானந்தம் அத்தகைய ஒரு எளிய மனிதர். எனக்கு எம்.வி.வெங்கட்ராமை பார்க்கும் போதும் சிசுசெல்லப்பாவை பார்க்கும் போதும் , வல்லிக்கண்ணன், அசோகமித்திரன், சுந்தர ராமசாமி, ஜெயகாந்தன் போன்றோரை பார்க்கும் போதும் தோன்றியதுதான்.....சச்சிதானந்தம் போன்றோரை பார்க்கும் போதும் ஒரே அலைவரிசையில் எண்ணுவது இதுதான். அவர்களைை தொட்டு வணக்கம…

நடனம் ஆடினேன்

நடனம் ஆடினேன் உறவினர் திருண நிகழ்ச்சியில் பலரும் கட்டாயப்படுத்தியதன் பேரில் நடனம் ஆடினேன். கிட்டதட்ட 25 ஆண்டுகளுக்குப் பின்னர் இது பொது இடத்தில் நான் ஆடிய நடனம். சில ஸ்டெப்ஸ்தான். ஆனால் நன்றாக இருந்ததாக பலரும் பாராட்டினார்கள். ஒரு பெண்ணிடம் போய் எத்தனை மதிப்பெண்கள் என கேட்டதற்கு சிரித்துக் கொண்டே நூற்றுக்கு நூறு என்றாள். ரொம்பவும் அதிகம்தான்.  பல்வேறு நடனங்களை நான் திரையிலும் மேடைகளிலும் பார்த்திருக்கிறேன்.ஸ்ரீநிதியின் கதக் நடனம், மீனாட்சி சேஷாத்திரியின் பாம்பு நடனம் , சுதா சந்திரனின் ஒற்றைக்கால்நடனம், கமல்ஹாசனின் நடனம், விஜய் ஆடும் நடனம், அஜித்தின் டோலுமா டாலுமா, சிலுக்கு ஸ்மிதாவின் கிக்கேற்றும் நடனம்,ஜிமிக்கி கம்மல் நடனம் ,சின்னக் குழந்தைகளின் நடனம், குத்துப்பாட்டு நடனம், சாவு நடனம் என பார்த்தவை பல.
ஆடாத ஆட்டமெல்லாம் போட்டவங்க மண்ணுக்குள்ளே  போன கதை உனக்குத் தெரியுமா  என்று சூர்யா ஆடிப்பாடியது போல் பல அதிகார நடனங்களையும் பார்த்திருக்கிறேன். வீட்டில் தனியாக இருக்கும் போது எனக்குப் பிடித்த ஒரு பாட்டைப் போட்டு நடனமாடுவது என் வழக்கம். நடனம் உற்சாகம்,மகிழ்ச்சியின் வெளிப்பாடு. ஆனால்  கே.பாலசந்…

படித்தது -குன்று நில மக்கள் -தில்லை எழிலன்

படித்தது -
குன்று நில மக்கள் -தில்லை எழிலன்புலவர் தில்லை எழிலனை எனக்கு அறிமுகம் செய்து வைத்தவர் புலவர் சங்கரலிங்கம். புலவர் சங்கரலிங்கம் புலமைப்பித்தனிடம் உதவியாளராக இருந்து பின்னர் முதலமைச்சர் ஜெயலலிதாவிடம் நீண்ட காலம் உதவியாளராகப் பணிபுரிந்தார். சங்கரலிங்கம் மறைவுக்குப் பின்னர் அவர் மகன் பூங்குன்றனும் ஜெயலலிதாவிடம் பணிபுரிந்து இப்போது விசாரணை, வருமான வரி சோதனை என சோதனையான காலங்களில் இருக்கிறார். நிற்க. புலவர் தில்லை எழிலன் பெரம்பூர் பிருந்தா திரையரங்கு அருகே உள்ள டான் பாஸ்கோவில் தமிழாசிரியராக பணிபுரிந்தார். நாங்கள் அழைத்ததன் பேரில் சில கவியரங்களில் கலந்துக் கொண்டார். மரபுக்கவிதை எழுதக்கூடியவர். இப்போது அவர் எங்கே என எனக்குத் தெரியாது.30 ஆண்டுகளாக அவர் பெயரை எங்குமே நான் கேள்விப்பட்டதில்லை. அவர் எழுதிய குன்று நில மக்கள் எனும் புத்தகம் பழைய புத்தகக் கடையில் கிடைத்தது. தில்லை எழிலன் என்ற பெயரைப் பார்த்து ஆர்வமாக எடுத்தேன்.  குன்று நில மக்கள் என்பது குறிஞ்சி நில மலைப்பகுதியைச் சார்ந்து வாழ்ந்துவரும் குறவன் என்றழைக்கப்படும் ஒரு இனத்தைப்பற்றியது. மனித இனத்தின் முதல்குடியாகவும் ஆதிகுடியாகவும் த…

தனியே செல்லும் பயணி

தனியே செல்லும் பயணி இந்த வரியை எங்கே படித்தேன் என்று தோன்றவில்லை. ஏனோ இது என் ஆழ்மனத்தில் இருந்து அடிக்கடி மேல் விளிம்புக்கு வந்து திரும்பிச் செல்கிறது. வாழ்க்கையில் நான் தனிமையில் தான் அதிககாலம் வாழ்ந்திருக்கிறேன். உறவுகள் நட்புகள்  இருந்தாலும் கூட கூட்டத்திலும் தனிமையே உணர்ந்திருக்கிறேன். அரங்குகளில் தனியாக அமர்ந்திருக்கிறேன். கிடங்குத் தெரு நாவலில் சல் அகேலா என்ற முகேஷின் பாடல் ஒன்றை நாவலின் இறுதிப்பகுதியில் குறிப்பிட்டேன். சல் அகேலா என்றால் தனியாக செல் 
தனியாக செல் தனியாக செல்  உன் திருவிழாக் கூட்டம் பின்னால் நின்று விட்டது நீ தனியாக செல்
இதே போல் ஆலங்குடி சோமுவும் இரவும் வரும் பகலும் வரும் பாடலில்  தனிமை வரும் துணையும் வரும் பயணம் ஒன்றுதான் என எழுதியுள்ளார். இந்த தனிமையைப் பற்றி ஒருநெடுங்கதை எழுதிப்பார்த்தால் என்ன என்று தோன்றுகிறது. இதே தலைப்பில் இக்கதையை நீங்கள் ஏதேனும் ஒரு பத்திரிகையில் படிக்க நேரிடும் போது எனக்கு நாலு வரி எழுதிப் போட மறக்காதீர்கள்.